感想就用廣東話講返啦，自在d始終
呢個_post唔係教你地點讀書啊，分析呢個試既對與錯咁
純講下我係呢3年高中一點小小感覺
柚子係中三已經諗定哂大學讀d咩科，出黎打咩工咁樣
有少少少部分因為屋企人同社會啦
而大部分都係我對呢個行業好好奇同感興趣
中四揀科其實係成功，因為冇乜人揀咖咋：P
問心，中四其實唔夠努力
中五先至覺得dse要黎，好多補課啊
miss啊sir果d又成日係到洗腦咁
開始緊張又要操卷（個人好攰）
但問我會唔會太辛苦，其實接受到囉只會話
因為作為一個學生，煩惱只係要一直讀書讀書讀書咁
唔係話好大壓力姐：）
主要係我屋企人唔會比壓力
我知道而家好多學生既無形壓力都係黎至家長，
所以我應該係幾好彩？？
講返中四先，果陣讀書都順好平穩
只要上堂聽下書，做下miss要求要做既練習其實好夠
中四真係叫好hea，仲可以日日放學玩電腦上網
中四既時光真係幾好玩
話大又唔大，話細又唔細
真係要珍惜呢d咁得閒既日子
我知道有d學生既中四並唔係咁free（名校果d你懂的）
一到左中五就開始黎料
課程深左之餘，仲要成日有野做有test啊又盛
好鬼煩啦總之就～～
不過我點都會忙裡偷閒既：O
果陣好迷youtube
點都要每晚睇幾條片先捨得訓
中五係冇暑假，暑假就係用黎不停咁補課
有d係幾好既鍾意就返，覺得冇用唔需要就唔返
其實柚子都幾乖
當然會跟足哂老師既指示，要交乜就交乜
仲要做d額外野比佢地改
想入左大學就係要付出。。。
冇錯我係植度咁想入大學
不過我係學校既成績只係入到hd果d
所以我唔會放棄一定要考好個試
話雖如此，我冇比到好大壓力比自己
心知道溫書既重要性所以都會自動自覺去溫下書
每日溫少少溫少少，最叻就係記答案
不停地做notes同埋搵合適自己既方法
因為dse得3年要教同要考好多野
背真係最快既方法，壞處就係好快會唔記得哂
好多人話study leave好短啊唔夠時間好多好多好多好多果d
不過我又唔係咁諗，我覺得係足夠
對於d臨急抱佛腳果d就緊係唔夠時間啦
但我知好多同學仔都係好早就開始溫，不過都係覺得唔足夠
其實一個半月既時間，每日24小時都係你既時間
你想去溫書就溫，你想去玩就去玩
我認為人係唔可以一尾讀書讀書，點都要去玩下
我既方法就係早d起身，早上一定係用黎溫書（頭腦最清醒）
下就抽少少時間睇下youtube
之後再溫書，一日溫一科每日溫既野都唔同
我就好少做卷，背野比較多既
咁樣其實好快又loop返同一日既野，洗哂腦
個心只係想快d考完快d去玩
keep住個狀態直到考哂試
臨尾咪有個eng oral既，我衰左因為同筆試隔太耐
個心散到一個點，又要返工賺錢
不過盡左力就算啦：）
放榜果陣其實真係真係真係好驚
估唔到咁快就打到黎
心入面有好多打算咖啦，但好多都係好正面既打算
我知我咁樣係唔得
不過我係一個唔想由低讀起既人
hd果d我一d都唔想入。。。
收到成績既時候真係勁開心
比預期好dd有機會入到想入既科
其實努力真係有用，個天唔會對你咁衰既
我都算係好好彩啦～～
不過重點係我真係有比心機
jupus放榜應該仲驚，雖然唔係心入面好想好想入果間
但都okay啦重點係要有書讀：）
讀左一年
諗返dse堅係唔想返轉頭
但呢一年我都同樣比心機追gpa
無奈上到黎真係會比下去
同學既成績都係壓力既一部分
就係覺得自己唔會夠人好
以前我唔會有呢d諗法啊，原來同人比同人鬥先係最有壓力
總之就係做好自己
呢到咩人都有，唔洗點努力都有好成績既有，要靠努力先上到位既都有
真係真係真係唔好再同人比
我都係了～～～今次衰左下次再試
為左當初既夢想冇得放棄（因為揀左呢條路了）
呼～分享完了
望返轉頭個人真係成熟左
希望自己一直有進步
希望大家都係啦：）
感謝各位
喜歡的要follow和留下你的支持啊，
有任何問題可以comment跟我說♡
沒有留言:
張貼留言